Vieiros

Vieiros de meu Perfil


Edición xeral

RSS de Edición xeral
ENCARGAN UN ESTUDO XURÍDICO

EA pide a investigación dos "crimes contra a humanidade" de Fraga

Eusko Alkartasuna recorda que quen fora presidente da Xunta ostentou importantes responsabilidades de goberno nos últimos anos do franquismo.

Redacción - 13:00 25/11/2008

O obxectivo é "esclarecer as responsabilidades" de Manuel Fraga Iribarne durante a súa época de ministro de Franco, entre os anos 1975 e 1976. Eusko Alkartasuna non perdoa as declaracións de diferentes dirixentes do PP no que os acusa de manter un vencello con ETA e, ademais de exixir unha rectificación, cargan a man contra o que actualmente é presidente de honra desta formación política.

O partido vasco recorda que Fraga ostentou importantes responsabilidades nos últimos anos do franquismo e nos primeiros executivos logo da morte do ditador, ao tempo que subliñan que en ningún momento "rexeitou o réxime franquista". Así, anuncian que estudarán se, no marco das súas actuacións como ministro, existen delitos imputábeis a crimes contra a humanidade e fan referencia a episodios de represión como o 3 de marzo de Vitoria, os asasinatos de Montejurra ou a imposición de penas de morte a presos políticos.

Finalmente, Eusko Alkartasuna asegura que "non aceptará leccións de democracia dunha formación que ten como presidente de honra a unha persoa co historial de Fraga" e subliña que "está decidida a emprender accións legais contra o PP se non rectifica as declaracións sobre as relacións do partido con ETA".


Ligazóns

4.82/5 (11 votos)


Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: