Vieiros

Vieiros de meu Perfil


Edición xeral

RSS de Edición xeral
Negociación dos PXE

Quintana asina en Madrid a transferencia das competencias acordada co goberno español

Inclúe a xestión de museos, bibliotecas, arquivos, bolsas de estudo, o saldo da débeda de superficie, instalacións patrimoniais e inspección de traballo.

Redacción - 19:30 23/12/2008
Participantes na Comisión Mixta, este martes en Madrid (clique para ampliar)

Participantes na Comisión Mixta, este martes en Madrid (clique para ampliar)

O vicepresidente da Xunta, Anxo Quintana, e a ministra española de Administracións Públicas, Elena Salgado, presidiron este martes a Comisión Mixta de Transferencias que ratificou o traspaso de varias competencias a Galiza. Esta chega como contrapartida polo apoio do BNG aos Presupostos Xerais do Estado (PXE), á que hai que sumar a constitución da subcomisión de infraestruturas este luns.

Quintana destacou a importancia do paquete competencial transferido, que inclúe a xestión de museos, bibliotecas, arquivos, bolsas de estudo, saldo da débeda de superficie, instalacións patrimoniais e inspección de traballo. Valorouno "tanto polo volume dos traspasos como polo seu carácter pioneiro", xa que a Xunta controlará os museos da rede estatal, algo que non ocorre nin en Cataluña nin Euskadi, sinalou.

Neste senso, o vicepresidente considerou que "é unha boa mostra da descentralización e da interpretación compartida e construtiva que facemos da Constitución, unha boa contribución dende Galiza e dende o Estado á interpretación que demostra que este é un estado plural".

Individualmente, Quintana destacou que o Castelo de Monterrei pase a ser propiedade de Galiza, e puxo como exemplo o traspaso do de Montjuïc, en Cataluña, que aínda segue sen se resolver. Tamén fixo referencia á competencia en inspección de traballo, unha cuestión que considerou complexa, e que até o de agora só tiña transferida o goberno catalán.


4,71/5 (7 votos)

Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: