Galeguiza o teu Mac
Un engadido fai que apareza a bandeira de Galiza no escritorio dos computadores de Apple como símbolo da configuración do teclado.
Agora xa é posíbel gozar dun computador Mac co seu sistema operativo "galeguizado". Na web de Ross Barkman ofrécese unha solución para que na barra superior do computador non apareza a bandeira española ao usar a configuración de teclado ISO, e que sexa substituída pola de Galiza.
Barkman ofrece na súa web varias solucións para personalizar o Mac OS. De feito, xa anteriormente brindara a posibilidade de colocar no escritorio a senyera catalá ao escoller o teclado ISO, e agora tamén deixa facer o mesmo coa nosa bandeira.
Aínda que é un pequeno detalle, pode axudar a facer o traballo diario un pouco máis agradábel. O engadido pódese descargar na parte inferior da páxina, na sección Other useful files, co título "OS X Galician Keyboard layout". O engadido haino que arrastrar á carpeta Libraría, como indican as instrucións incluídas no ficheiro. O autor do parche dá permiso para usar libremente o engadido, aínda que é posíbel amosarlle o agradecemento convidándoo a unha pinta de cervexa, tamén dende a súa web.
Comentarios (8)
Home, a bandeira española sempre se puido desactivar...
E se queres a bandeira galega, métea de fondo de pantalla, jaja...
Eu teño o firefox en galego porque non teño ese Mac ou o que sexa xD.
Non consigo instalalo, e xa probei unhas cantas veces
Hai que foderse. Seis anos para chegar a isto!
Para quen non se manexa co inglés, aí vai unha tradución amateur do leme:
1. Asegúrate de que “Preferencias del sistema” esta pechado.
2. Escolle o(s) arquivo(s) de “keyboard layout” (disposicións de teclado) que queres usar e copiaos en //Library/Keyboard Layouts/ - isto intala o teclado para o teu usuario.
3. Abre “Preferencias del sistema”> inteernacional, escolle a pestana “Menú teclado” e marca a caixa a carón do novo teclado – entón conseguirás unha bandeira na Barra de menú, amosando o teclado por defecto.
4. Preme nesa bandeira e selecciona a bandeira para o novo teclado.
OLLO: Habería que engadir que entre o punto 3 e o 4 é preciso reinicia-lo ordenador.
Prometo públicamente unha ducia de pintas para este señor, a ser pagas persoalmente e en igualdade de condicións, por suposto.
Vaia, probando unha cousa ... : // :
Pois si, nas mensaxes que se envían, cando escrebes algo entre os signos "menor que" e "maior que" non se amosan na edición da web mesmo que si aparezan no editor da mensaxe.
Isto é porque no enderezo que vai despois de "... copiaos en", debería dicir "disco duro/oteuusuario/Library/Keyboard Layouts/" pero como puxen disco duro e oteuusuario entre esos signos non apareceu.
Usando 10.3.9 foi preciso reiniciar.
Usando 10.4.11 non foi preciso reiniciar.
Teño a oficina chea de bandeiras!
Novo comentario
Se xa tes o teu nome en Vieiros, podes acceder dende aquí:
Máis Alá, Fwwwrando, Galego.org, GZ-Deportiva, Canal Verde, Lusofonía, Irimia, Cartafol, Murguía
RSS
| Que é Vieiros?
| Que é o RSS?
| Creative Commons
| Publicidade
| Director
| O equipo
| Contacto