Vieiros

Vieiros de meu Perfil


Fwwwrando

RSS de Fwwwrando
POLA CRISE

Piden que o multimillonario ruso Abramovich merque Letonia

Unha petición en liña dirixida ao segundo home máis rico de Rusia ofrece un territorio "limpo" e unha poboación "traballadora".

Redacción - 11:30 30/12/2008
Abramovich, cando era gobernador de Chukotka

Abramovich, cando era gobernador de Chukotka

A internet ofrece a liberdade de poder ser altofalante de calquera tipo de reinvindicacións. Quizais por iso, un grupo de máis de 400 habitantes de Letonia pídelle ao multimillonario ruso Roman Abramovich que merque o seu país.

A Abramovich, coñecido por ser propietario do Chelsea, club de fútbol inglés, dirixíuselle unha carta conxunta na que se lle lembra que Letonia está en creba e dise que se está en conversas co Fondo Monetario Internacional para vender o país por 7.500 millóns de euros.

"Gustaríame que considerase a posibilidade de mercar Letonia: a poboación é traballadora e complacente, é unha área ambientalmente limpa e hai moito espazo para atracar o seu iate", o luxoso Pelorus, engade a carta.

O certo é que Letonia é o estado da Unión Europea que está a sufrir máis a crise económica, cun descenso do PIB do 4,6 por cento no terceiro trimestre deste ano con respecto a 2007. E Abramovich ten a segunda meirande fortuna de Rusia, segundo Forbes, que estima en 23 mil millóns de dólares.

Non é a primeira petición en liña neste sentido posta en marcha por residentes en Letonia. Anteriormente, dúas mil persoas asinaron unha solicitude ao goberno sueco para "ocupar" o seu territorio.


Ligazóns

5/5 (4 votos)


Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: