Vieiros

Vieiros de meu Perfil


Edición xeral

RSS de Edición xeral
VIDEOS NA RÚA

Os tribunais reiteran que as cámaras de seguridade da zona vella de Compostela son ilegais

Un xulgado decretou a execución provisional dunha sentenza que obriga a sacar os vídeos das rúas do casco histórico por non teren permisos.

Redacción - 09:00 09/01/2009

O Xulgado Contencioso Administrativo número 1 de Santiago decretou a execución provisional da sentenza que lle obriga ao consistorio a retirar as cámaras de seguridade do casco antigo, “por non contaren cos permisos precisos” para a súa instalación e mantelas “ilegalmente”.

A decisión xudicial recolle que o Movemento polos Dereitos Civís, que pediu a execución da sentenza, terá que pagar tres mil euros para que se faga a retirada en concepto de depósito para posíbeis recursos do consistorio.

O voceiro do colectivo denunciante, Renato Núñez, sinalou que aboarán os cartos para que se execute a retirada aínda que subliñou que era “sorprendente que se teña que pagar por unha ilegalidade que cometeron outros”. Porén, manifestou que a decisión xudicial supón un paso adiante na defensa da intimidade dos cidadáns.
 
O MpDC anuncia unha campaña popular para lograr os tres mil euros de depósito.

Máis información na súa web.


4/5 (6 votos)


Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: