Vieiros

Vieiros de meu Perfil


Fwwwrando

RSS de Fwwwrando
MERCADOGALEGO.EU

O pequeno comercio xa dispón dun portal para vender na internet

Calquera vendedor poderá ofrecer os seus produtos na web, sen custo nin intermediarios.

Redacción - 19:00 04/02/2009

 Trátase dunha plataforma de comercio electrónico pioneira a nivel do Estado Español, Mercadogalego.eu, que permitirá que calquera comerciante do país poida vender os seus produtos na rede e posicionarse, de xeito complementario á venda presencial ou mesmo ao seu propio portal de comercio electrónico, sen custo pola súa parte.

Xa están a participar na iniciativa case un cento de estabelecementos, que ofertan arredor de 500 produtos diferentes. A plataforma visibiliza os produtos por riba dos seus estabelecementos comercializadores. Ademais, incorpora unha pioneira pasarela de comercio electrónico, desenvolvida por Caixa Galicia, que permite o multipago: a persoa compradora pode adquirir produtos de diferentes provedores efectuando un único pagamento. O sistema encárgase de repartir o importe entre cada comerciante. Asemade, evita a necesidade de contar con intermediarios na comercialización.

Segundo indicou a directora xeral de Comercio, Ana Rúa, a plataforma ofrece vantaxes como poder poñer ao dispor dos consumidores a mercadoría as 24 horas do día dende calquera lugar, e permitir que os pequenos comercios compitan na internet nas mesmas condicións que calquera outro proxecto comercial internacional.

Rúa explicou que as vendas por internet están a avanzar, mesmo a pesar da conxuntura económica, e que a Unión Europea prevé que o volume de negocio se incremente nun 230% nos próximos cinco anos. O servizo contribuirá tamén a que Galiza converxa con Europa neste sentido, rachando co "falso tópico de que Galiza estea atrasada". O lanzamento do portal irá acompañado, máis adiante, dunha campaña promocional para posicionalo e dalo a coñecer tanto entre os pequenos comerciantes como entre os internautas.


4.5/5 (4 votos)

Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: