Vieiros

Vieiros de meu Perfil


Edición xeral

RSS de Edición xeral
En compostela

Deteñen dous empresarios, acusados de participar na trama de tráfico de inmigrantes marroquís

Son do sector da automoción e da construción. O primeiro detido neste caso foi un traballador de Comisións Obreiras.

Redacción - 11:45 27/02/2009
O primeiro detido traballaba para CCOO en Compostela

O primeiro detido traballaba para CCOO en Compostela

A Brigada de Estranxeiría da Policía española na Coruña segue a investigar sobre a trama de tráfico de inmigrantes marroquís, aos que se lles cobraba por darlles emprego en empresas galegas. A pasada cuarta feira detiveron un traballador do Centro de Información para Traballadores Estranxeiros de Comisións Obreiras (CITE), en Compostela, e arestora a ollada está posta en varias empresas da comarca.

Esta quinta feira practicáronse dúas novas detencións. Os arrestados foron dous empresarios composteláns, un pertencente ao sector da automoción e o outro do sector da construción. A policía está a procurar documentación que sirva para estabelecer unha relación laboral contractual entre os inmigrantes que, supostamente, terían pagado importantes sumas de diñeiro -entre tres mil e sete mil euros, segundo conta o xornal La Voz de Galicia-, para conseguir un traballo no noso país.

Na cuarta feira, o secretario de Inmigración de CCOO, Melchor Roel, sinalaba que o sindicato vaise presentar como acusación particular neste caso, ao tempo que deixaba claro que, en todo caso, a central non ten que ver con esta situación, senón un traballador en particular, mais que aínda nada foi demostrado. Neste sentido, apelaron á presunción de inocencia, e lamentaron o caso.


Ligazóns

1/5 (2 votos)

Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: