Vieiros

Vieiros de meu Perfil


Lusofonía

Xestionado por Vieiros
RSS de Lusofonía
Poñen pantallas, pero non poderán empregalas

A Assembleia da República "non é un estudio de televisión"

Os parlamentarios portugueses decidiron poñerlle límites ao uso de medios audiovisuais nas sesións, a pesar de presentar un novo sistema de proxeccións.

Redacción - 13:30 21/03/2009
Unha imaxe da vella sala de plenos da Assemblea da República

Unha imaxe da vella sala de plenos da Assemblea da República

A Assembleia da República portuguesa acaba de renovar a súa sala de sesións, instalando nela dúas enormes pantallas xigantes, ademais de proxectores e outros medios audiovisuais. Inaugúrase a vindeira quinta feira día 26 de marzo, e Os Verdes xa avisaron de que teñen pensado empregar os novos medios xa na primeira sesión.

Por isto, a conferencia de líderes do Parlamento portugués decidiu prohibir o emprego destes trebellos nas sesións, porque a "Assembleia da República non é un estudio de televisión". De feito, o presidente da Assembleia da República, Jaime Gama, sinalou que por causa dos "problemas deontolóxicos" que poidan xurdir, non se debía comezar de cheo a empregar os novos aparellos, senón "con pequenos pasos". Así, de acordo coa secretaria da Mesa, Celeste Correia, quedou fixado que os deputados só poden proxectar gráficos, mapas e fotocopias de xornais ou do Diário da Assembleia, e nada de son, fotografías ou filmes. Tamén quedarán prohibidas as "campañas negativas", aínda que non se definiu realmente o que son estas.

O medo que teñen os parlamentarios é que se abrise, co novo sistema audiovisual, unha caixa de Pandora. Porén, aínda non se explicou por que se presentou como unha das marabillas da nova sala de sesións, e agora ninguén pode facer uso del. Arestora os parlamentarios portugueses andan debullando unha serie de regras de utilización do sistema de proxección para adaptar a elas o seu regulamento interno.


5/5 (1 votos)


Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: