Vieiros

Vieiros de meu Perfil


Edición xeral

RSS de Edición xeral
Reaccións á toma de posesión

BNG: Non haberá "diálogo" mentres Feijoo "non aclare" como vai sacar Galiza da crise

"Até o de agora a dirección tomada polo PP non foi a máis correcta", afirma o voceiro nacionalista no Parlamento, Carlos Aymerich.

Redacción - 11:00 19/04/2009

O voceiro do grupo parlamentario do BNG, Carlos Aymerich, instou o novo presidente da Xunta, Alberto Núñez Feijoo, a "aclarar" cal vai ser a dirección que vai tomar "para tirar do carro" e asegura que será despois desta explicación cando o seu partido terá en conta a proposta de "diálogo" lanzada este sábado polo popular no seu discurso de toma de posesión.

Segundo declarou Aymerich, o discurso de Feijoo non foi máis que "a reafirmación" das "liñas" que "indicou hai uns días no Parlamento" e exixiulle que explique publicamente se para sacar Galiza da crise económica "se vai a poñer de parte da patronal ou dos intereses dos cidadáns".

Aymerich criticou que durante a súa intervención na Praza do Obradoiro, o presidente da Xunta "non aclarase" as medidas anticrise que seguirá o Goberno durante os próximos catro anos e avisou os galegos de que "até o de agora a dirección tomada polo PP non foi a máis correcta".

Para o voceiro nacionalista, entre o BNG e o PP hai actualmente uns "intereses contrapostos" que impiden o "diálogo" entre partidos. "Cando se aclare, falaremos", aseverou.


3.67/5 (6 votos)


Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: