Vieiros

Vieiros de meu Perfil


Edición xeral

RSS de Edición xeral
Situación laboral "insostíbel"

Unhas 225 mariscadoras maniféstanse nas rúas de Rianxo contra os "abusos" e "incumprimentos" da confraría

Ofrecen unha tregua nas mobilizacións até manter unha xuntanza coa responsábel de pesca, a designada este domingo conselleira do Mar, Rosa Quintana.

Redacción - 19:45 19/04/2009
Protesta deste domingo

Protesta deste domingo

Unhas 225 mariscadoras percorreron este domingo as rúas da localidade de Rianxo para protestaren contra "os abusos" que provoca o sistema de repartir as ganancias do marisco e denunciar que a dirección da Confraría "incumpre a lei", nun acto convocado pola Asociación Galega de Mariscadoras (Agamar).

Segundo explicou a secretaria xeral de Agamar, Natalia Laíño, a situación é "insostíbel", e informou de que á protesta acudiron "mesmo traballadoras xubiladas" e xente que "non quixo aguantar máis".

O conflito, dixo, "dexenerou estes dous últimos anos" xa que a repartición das ganancias polo marisco, "con independencia do que recolla cada unha", levou a que "xente que non acudía a traballar cobraba igual". "Ás veces as que traballaban gañaban 7,80 por un día, e outros en casa 19 euros", asegurou.

A manifestación empezou ás 11.00 horas e atravesou varias rúas da localidade para rematar nunha concentración fronte á casa consistorial até as 13.00 horas. Laíño anunciou que lle darán "unha tregua" ás mobilizacións para pedir unha reunión coa nova conselleira de Mar, a popular Rosa Quintana.


3.67/5 (3 votos)


Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: