Vieiros

Vieiros de meu Perfil


Edición xeral

RSS de Edición xeral
Novo Goberno

O BNG cualifica de "provocación "a unión de Medio Ambiente e Obras Públicas

"É unha preocupante declaración de intencións", afirma Carlos Aymerich, voceiro parlamentario do Bloque.

Redacción - 09:00 20/04/2009

"Supón que a autonomía da administración cando teña que avaliar o impacto ambiental desaparece", criticou Carlos Aymerich ao respecto da macro consellaría que se denominará "Medio Ambiente, Territorio e Infraestruturas e que pilotará Agustín Hernández. Na opinión do voceiro parlamentario do BNG a unión de obras públicas e ambiente supón que os criterios ambientais queden "subordinados por completo".

"Sabendo quen vai ser o Conselleiro, isto é tanto como dicir que o medio ambiente queda subordinado aos intereses das grandes empresas", laiouse este domingo Aymerich. Na súa opinión é "unha auténtica provocación e unha declaración de intencións que unha persoa como Agustín Hernández, que alén de ter incumprido a lei de incompatibilidades, carece das condicións mínimas esixíbeis desde un punto de vista ético a un cargo público, ocupe este posto". "É evidente que o novo conselleiro non vai defender os intereses xerais de Galiza, senón os das grandes construtoras", sinalou.

Por outro lado, Aymerich opinou que "un primeiro repaso dos nomes e currículos dos integrantes do novo Goberno, revela o poder do PP español e de Génova na conformación da Xunta de Galicia". Doutra banda, valorou o nacionalista que "saberemos se a redución do número de departamentos é puramente cosmética cando coñezamos a estrutura orgánica completa do Goberno".


5/5 (5 votos)


Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: