Vieiros

Vieiros de meu Perfil


Edición xeral

RSS de Edición xeral
Semana da Terra

Voces n'A Mariña contra os eólicos no litoral

Adega organiza este domingo un referendo simbólico en defensa da costa. Ás denuncias polo urbanismo sen control únese a ameaza de muíños no mar.

Redacción - 10:15 25/04/2009

Os parques eólicos mariños son a última novidade a impactar na paisaxe da comarca luguesa da Mariña, tal e como subliñarán esta fin de semana desde a Asociación para a Defensa Ecolóxica de Galiza (Adega). Aproveitando que esta semana vimos de celebrar o Día da Terra, o colectivo ecoloxista organizou para este domingo 26 de abril unha actividade especial en Ribadeo, onde de 12 a 14h convoca os veciños a participaren nun "referendo simbólico" antes do xantar dominical.

Baixo o lema "No urbanismo, ti decides", os ambientalistas farán repaso das ameazas sufridas pola costa da comarca, incluídas "as macropiscifactorías, megaurbanizacións e construcións ilegais" entre outras. De xeito especial, desta volta salientarán o caso dos parques eólicos mariños, logo de coñecerse que o ministerio de Industria declarou zona apta para estas instalacións a franxa litoral entre Burela e Foz.

Sobre o mesmo asunto mobilizouse tamén esta semana o BNG d'A Mariña, recordando que esa é zona de pesca habitual para a frota de baixura e arrastre litoral con porto base na Mariña, e tamén área importante no tránsito marítimo. Ao fío, destacan a iniciativa presentada polo grupo parlamentario do BNG no Parlamento en contra destas instalacións e anuncian mocións nos concellos da zona por este motivo.


4,33/5 (6 votos)


Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: