Vieiros

Vieiros de meu Perfil


Canal Verde

Xestionado pola Federación Ecoloxista Galega e Vieiros
RSS de Canal Verde
Premio 'Artemio Precioso'

Recoñecemento de Greenpeace a Manuel Rivas no 25 aniversario do colectivo ecoloxista

O escritor galego, un dos promotores de Greenpeace a nivel estatal, é premiado polo seu compromiso coa defensa ambiental.

Redacción - 09:00 11/05/2009

Unha lancha do tipo zodiac sobre unha onda é a representación da estatuíña que quere expresar o espírito de Greenpeace, "as accións directas non violentas para defender o ambiente". Foi a imaxe escollida para o premio Artemio Precioso, e o escritor e xornalista Manuel Rivas é a primeira persoa en recibilo.

A entrega realizouse esta fin de semana, nun acto onde se recordou a implicación activa d'O Rivas no ecoloxismo a nivel estatal, incluída a súa participación na fundación da delegación de Greenpeace no Estado Español. A asociación tamén quixo lembrar que a voz de Manuel Rivas se escoitou forte e no primeiro plano durante os días escuros da catástrofe do Prestige, ao abeiro da Plataforma Nunca Máis.

O premio leva o nome dun dos pioneiros do ecoloxismo no conxunto do Estado, o activista Artemio Precioso (1917-2007), albaceteño exiliado en Rusia logo da Guerra Civil e trasladado a Praga posteriormente, onde foi catedrático de Macroeconomía. De volta no Estado Español na década dos 60, fundou o Centro de Estudos Socioecolóxicos, axudando a formar persoas en economía ambiental. Foi presidente honorario de Greenpeace até a súa morte hai dous anos.


4.33/5 (6 votos)


Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: