Vieiros

Vieiros de meu Perfil


GZ-Sete

Edición xestionada por Vieiros
RSS de GZ-Sete
por "calumnias e inxurias"

O líder de Unión Coruñesa solicítalle ao xuíz que investigue os editores da Wikipedia

Carlos Marcos presentou unha denuncia para saber a identidade da persoa que editou a páxina do seu partido, cualificándoo de "ultradereitista".

Redacción - 18:00 08/06/2009
O líder de Unión Coruñesa, Carlos Marcos

O líder de Unión Coruñesa, Carlos Marcos

Carlos Marcos segue na procura da persoa que editou a páxina do seu partido, Unión Coruñesa, na Wikipedia -en castelán-, describíndoo como "ultradereitista", "contrario á inmigración" e da corda de Jean-Marie Le Pen. O líder de Unión Coruñesa presentou nos xulgados da cidade unha denuncia na que exixe que o responsábel da publicación do texto sexa localizado e pague unha fianza de 25 mil euros, por un delito de "calumnias e inxurias".

Segundo publica o xornal coruñés La Opinión, os avogados do político coruñés consideran que a información que aparece na enciclopedia da rede foi redactada e publicada "coa intención de danar a imaxe" do dirixente de Unión Coruñesa. Polo seu lado, os servizos xurídicos do partido non dubidan en cualificar a definición como "degradante" e exixen unha actuación contra o autor do texto e contra a propia Wikipedia.

Na actualidade existe unha outra páxina co nome de Carlos Marcos na Wikipedia en castelán, na que non se recollen contidos semellantes aos denunciados polo político e que foi modificada o pasado día 20 de maio.


Ligazóns

2,63/5 (8 votos)


Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: