Vieiros

Vieiros de meu Perfil


Edición xeral

RSS de Edición xeral
"O demais é pura demagoxia"

Zapatero: "O máis duro da crise xa pasou"

A recuperación irase producindo "progresivamente e de xeito máis intenso" en 2010, asegura o presidente do Goberno español.

Redacción - 11:45 17/06/2009

O presidente do Goberno español, José Luís Rodríguez Zapatero, defendeu esta cuarta feira no Congreso que dende 2004 o seu Executivo baixou os impostos "en 20 mil millóns e dous puntos do PIB", deixando a presión fiscal no 32,8% do Produto Interior Bruto, a máis baixa dende 1995.

Así mesmo afirmou que "o máis duro da crise xa pasou", a recuperación irase producindo "progresivamente e de xeito máis intenso" en 2010, para volver a taxas positivas de crecemento en 2011. "O demais é pura demagoxia", aseverou na sesión de control no Pleno semanal.

Zapatero recibira as críticas do líder do PP, o principal partido da oposición no parlamento español. Mariano Rajoy reprochoulle a "labazada" ás clases medias que supón a subida de impostos sobre carburantes e tabaco.


1/5 (1 votos)


Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: