Vieiros

Vieiros de meu Perfil


Edición xeral

RSS de Edición xeral
Cambio de goberno

O PPdeG consegue, contra prognóstico, a alcaldía de Vilariño de Conso

Un dos edís do BNG decidiu votar polo seu compañeiro de partido en lugar do candidato socialista, que aspiraba a substituír o dimitido alcalde do PSdeG.

Redacción - 11:00 21/06/2009

A falta de acordo entre os dous concelleiros do BNG deulle, finalmente, a alcaldía de Vilariño de Conso ao PPdeG. O nacionalista Domingo Domínguez votou polo seu compañeiro de grupo Carlos Rodríguez, quen á súa vez apoiou o candidato do PSdeG, Xosé Antonio Basteiro, tal e como anunciara.

Deste xeito, o novo alcalde será Ventura Sierra, do PPdeG. O empate a tres dos candidatos socialista e popular deulle a alcaldía a este último, por ter sido a formación máis votada.

Estaba previsto que Basteiro tomase o bastón de mando da alcaldía de Vilariño de Conso despois da renuncia ao cargo que presentara o tamén socialista Arcadio González, que saíra dos comicios de 2007.


3.2/5 (5 votos)


Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: