Vieiros

Vieiros de meu Perfil


Edición xeral

RSS de Edición xeral
Aprazamento

O Goberno paraliza a creación dunha policía galega

O conselleiro de Presidencia, Alfonso Rueda, apela á crise económica, e afirma no Parlamento que "hai que ir paso a paso".

Redacción - 09:00 24/06/2009
Furgonetas da Policía Autonómica Galega

Furgonetas da Policía Autonómica Galega

A Xunta do PPdeG non renuncia a ter unha policía propia, á que chamarían Autonómica, mais a súa formación queda aprazada por un tempo: segundo palabras do conselleiro de Presidencia, Alfonso Rueda, "hai que ir pouco a pouco".

O anuncio, realizado esta cuarta feira no Parlamento por Rueda, supón darlle prioridade ao despregamento do corpo da policía española adscrita a Galiza sobre a fórmula transitoria que se puxo en marcha durante os gobernos de Fraga, e que o de Feijóo prevé prorrogar.

Segundo contou Rueda, a idea é negociar co Ministerio do Interior para ampliar os 370 axentes actuais do corpo adscrito até chegar a 500, tal e como prevía o convenio asinado coa Xunta. Para Rueda, estes 130 novos axentes deberían traballar "a pleno rendemento" para Galiza o ano próximo, coa ollada posta na celebración do Xacobeo 2010. Porén, a Xunta non renuncia a ter policía propia, "pero hai que ser realista", aseverou Rueda, quen apelou á crise para xustificar a decisión de non priorizar o novo corpo policial.

Alén disto, o conselleiro tamén anunciou que a sede onde se forman os axentes da policía autonómica, a Academia Galega de Seguridade, na Estrada (Tabeirós-Terra de Montes), converterase tamén nun centro de "urxencias e seguridade", albergando tamén a Axencia Galega de Emerxencias, que Presidencia prevé reformar.


2.14/5 (7 votos)


Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: