Vieiros

O director dos espías españois, Alberto Saíz, dimitiu este xoves ao considerar que as acusacións que se estaban a publicar contra el na prensa prexudican a imaxe do goberno estatal. O executivo de Rodríguez Zapatero xa ten substituto: o militar Félix Sanz Roldán.

O xornal madrileño El Mundo publicou nas últimas semanas diferentes noticias nas que se aseguraba que Saíz aproveitara o seu alto cargo para beneficio propio. Entre outras acusacións, o rotativo afirmaba que o director do CNI mercáballe con fondos públicos toda a produción de patacas á súa familia política, que vive no municipio bergantiñán de Carballo. Logo as patacas ían parar, supostamente, a amigos ou vendíanse a terceiros.

Saíz segue a manter que todas as acusacións son “falsas”. De feito, afirma que despositou probas que demostran a falsidade de todas as imputacións vertidas sobre a súa persoa.