Vieiros

Vieiros de meu Perfil


Edición xeral

RSS de Edición xeral
Este martes

Previsíbel peche de acordo das caixas con Sacyr para as autoestradas

Se a negociación frutifica, Caixa Galicia e Caixanova agardan cerrar trato nesta xornada para a compra do 22% da compañía en Itínere.

Redacción - 08:00 14/07/2009

A operación coñecida xa a semana pasada a través da cal Caixa Galicia e Caixanova accederán a un bo pedazo do accionariado que controla entre outros a AP9 podería quedar completada estes días. Para este mesmo martes agárdase o posíbel peche das negociacións.

Cada unha das dúas entidades galegas accedería así a unha porcentaxe de participacións próxima ao 11%, cun desembolso de entre 180 e 200 millóns de euros. Segundo fontes das entidades, no momento actual restarían apenas "detalles" pendentes na negociación. "O máis probábel é que este martes haxa un desenlace, tanto en positivo coma en negativo", prognostican.

Caixa Galicia e Caixanova accederían así ao 22% das accións que o grupo Sacyr Vallehermoso conserva en Itínere, empresa que controla infraestruturas como a AP-9, a AP-53 (entre Santiago e Lalín) e a AG-55 (entre A Coruña e Carballo).


0/5 (0 votos)


Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: