Vieiros

Vieiros de meu Perfil


Edición xeral

RSS de Edición xeral
O sábado 12 en Agrela

Alerta na Coruña pola convocatoria dun concerto neonazi

A Policía Nacional puxo en marcha un dispositivo especial arrredor do festival "Finisterrac". O día anterior haberá unha concentración antifascista.

Redacción - 10:25 10/09/2009

Un concerto de corte neonazi anunciado para o sábado no polígono coruñés de Agrela fixo soar as alarmas da Policía Nacional. O corpo policial preparou un dispositivo especial para evitar incidentes durante o evento, que consideran "clandestino" por descoñeceren a súa hora exacta. Aínda así, desconfía de que se trate dun "bulo da internet".

Ao acto, anunciado en diversos blogs do movemento neonazi galego, só se pode asistir mediante inscrición previa por correo electrónico. Titulado "Festival Finisterrac, Europa das pátrias", contará coas actuacións do grupo galego OrigeNS e do bretón Bretonische Waffenverband, ambos enmarcados no movemento do RAC (Rock contra o comunismo), relacionado con letras que incitan ao odio racial e á violencia.

Para amosar a repulsa contra este tipo de actos "que fomentan o racismo e a xenofobia" tamén se convocou unha concentración antifascista o día anterior ao concerto, o venres 11 ás 17 horas na praza de María Pita.


3.25/5 (12 votos)

Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: