Vieiros

Vieiros de meu Perfil


Edición xeral

RSS de Edición xeral
Medio Rural

Controlado o lume nos Ancares

As lapas arrasaron desde a madrugada do venres ao sábado 130 hectáreas do municipio de Cervantes.

Redacción - 20:00 13/09/2009
Na zona permanece un continxente

Na zona permanece un continxente

Os servizos de extinción da Xunta deron por controlado este domingo o lume rexistrado na madrugada do venres ao sábado, e que dende entón arrasou 130 hectáreas da parroquia de San Fiz de Donís, no municipio de Cervantes, na Serra dos Ancares.

O incendio iniciouse con dous focos diferentes, un na zona de Corneantes e outro en Pena do Pando. Segundo as valoracións da Consellaría de Medio Rural, a maioría da superficie queimada -115 hectáreas- é superficie rasa.

No lugar do sinistro permanece parte do continxente despregado "para atallar calquera avance secundario das lapas e evitar, así, que se o lume se reproduza noutro punto", informou o departamento que dirixe Samuel Juárez.


1/5 (1 votos)


Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: