Vieiros

Vieiros de meu Perfil


Edición xeral

RSS de Edición xeral
Eleccións lexislativas en Portugal

Sondaxe: O PS distánciase do PSD e o Bloco aguanta terceiro

O CDU (coalición entre o PCP e o Partido Ecologista), conseguiría o 7,2% do sufraxio, dúas décimas menos que hai catro anos.

Redacción - 12:30 24/09/2009
O voto útil podería decantar o resultado

O voto útil podería decantar o resultado

Unha nova sondaxe divulgada esta cuarta feira outórgalle a vitoria ao PS nas eleccións lexislativas deste domingo. De acordo co barómetro da Marktest realizado para a TSF e o Diário Económico, os socialistas conseguirían o 40% do voto, seguidos do PSD, co 31,6%, e do Bloco, co 9%.

Cómpre recordar que hai catro anos, nas lexislativas de 2005, os resultados destas tres formacións foron: PS, 45,03%; PSD, 28,76%; e Bloco de Esquerda (BE), 6,35%.

De seren correctas estas previsións, confirmaríase o progreso dos socialistas desde o inicio da campaña electoral e o retroceso do partido de Manuela Ferreira Leite, que partían cun empate técnico a principios de mes.

Outra proba desta mudanza, informa o diario Público, é que o candidato do PS e actual primeiro ministro, José Sócrates, volve falar de maioría absoluta e non de simple vitoria.

O BE, que segundo esta enquisa caería respecto a sondaxes anteriores, seguiría a superar o CDS-PP (en cuarto lugar, cunha intención do 8,2%) como terceira forza máis votada. A CDU (coalición entre o PCP e o Partido Ecologista), conseguiría o 7,2% do sufraxio, dúas décimas menos que hai catro anos.


4.56/5 (9 votos)

Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: