Vieiros

Vieiros de meu Perfil


Edición xeral

RSS de Edición xeral
Caso Gürtel

Desde o PPdeG din que non falan de "política-ficción"

O voceiro do PP galego, Antonio Rodríguez Miranda, xustifica que o seu partido só dará explicacións "se se concretan feitos".

Redacción - 18:20 06/10/2009

"Só daremos explicacións se se concretan feitos, pero mentres isto non aconteza, non hai nada de que falar", teimou este martes o voceiro do PPdeG. Malia as informacións que seguen a coñecerse, Antonio Rodríguez Miranda insistiu en que o seu partido "non ten nada que ver" co caso Gürtel e dixo non querer falar do que cualificou de "política-ficción".

Para Rodríguez Miranda, o asunto "ten o seu epicentro bastante lonxe dos límites xeográficos da comunidade". A ese respecto, e malia os vencellos que nesta mesma xornada se coñecían sobre a trama de financiamento ilegal, preguntou "cal é a interese da oposición en tratar de trasladar a Galiza" o debate.

Ao tempo, cargo contra o PsdeG e acusou os socialistas de tratar de "desviar a atención" sobre o caso da axente electoral e as "situacións que afloran no seu propio financiamento". Miranda convidou o líder do PsdeG, Manuel Vázquez, a "mirar moi cerca del" para ver "quen ten que responder por financiamento ilegal".


2.5/5 (2 votos)


Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: