Vieiros

Vieiros de meu Perfil


Edición xeral

RSS de Edición xeral
Un milleiro de profesores afectados

Queren retirarlle o dereito a vacacións remuneradas ao profesorado substituto

O STEG esixe que se manteñan os dereitos adquiridos do profesorado substituto e critica as solicitudes de devolución de ingresos de xullo e agosto.

Redacción - 19:25 08/10/2009

O Sindicato dos Traballadores do Ensino (STEG) denuncian a intromisión da inspección de traballo nun ámbito que non lle compete, xa que o profesorado substituto está sometido ao dereito administrativo e a inspección educativa, e critican as manobras burocráticas que pretenden quitarlle ao profesorado substituto os ingresos de xullo e agosto.

Segundo explican, recentemente os docentes que realizaron substitucións de máis de cinco meses e medio nos últimos cursos, comezaron a recibir unha notificación da inspección de traballo pedíndolles devolver os salarios recibidos nos meses de xullo e agosto. Paradoxalmente, segundo un acordo de 2006, o profesorado que superou ese período como substituto nas aulas ao longo do curso, ten dereito a retribución no verán unha vez deducidos os días aboados por vacacións retribuídas e non gozadas.

O STEG reprocha o mecanismo usado pola inspección con esta fin, que "alega que o contrato que se lles realiza para eses efectos é unha simulación de contrato ou, dito noutras palabras, é un contrato ilegal", unha interpretación que o sindicato considera "excesivamente literal e afastada do espírito da Addenda de 2006 que rexe este tipo de contratos". Contactada a administración educativa, esperan que vaia adiante o compromiso de defender os dereitos adquiridos polo profesorado substituto.


5/5 (7 votos)


Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: