Vieiros

Vieiros de meu Perfil


Edición xeral

RSS de Edición xeral
Máis mocións de censura

Terra Galega expulsa os dous tránsfugas de Láncara

O partido considera que Ricardo Núñez e Carlos Fernández son militantes do PPdeG camuflados nas listas de TeGa.

Redacción - 10:56 11/10/2009

O secretario xeral de Terra Galega (TeGa), Xermán Tobío Padín, remitiulles aos dous censores no concello de Láncara a súa carta de explusión do partido na que constata que "queda sobradamente probada a dobre militancia" de Ricardo Núñez Valcárcel e Carlos Fernández Díaz no PPdeG. O propio Núñez recoñecera que paga as súas cotas de militancia no Partido Popular.

TeGa asegra que quedou "probado" o "incumprimento deliberado" das resolucións aprobadas nos órganos estatutarios do partido, o que cualifica de "moi grave" no réxime disciplinario e sancionador de TeGa. Tobío considera que o de Láncara é un dos "casos máis graves de transfuguismo da democracia", onde "dúas persoas do PP 'cólanse' nas listas de Terra Galega para, cando o consideren oportuno, favorecer o seu partido".

TeGa exixiulle ao PPdeG unha reacción "ética e sa" e que expluse tamén os concelleiros do seu partido, "tal e como marcan os seus estatutos". Afirma que "o señor Feijoo debe utilizar este caso para amosar que quere limpeza no seu partido e non a este tipo de personaxes" que tentan "burlarse dos votantes e do sistema democrático".


3.33/5 (3 votos)

Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: