Vieiros

Vieiros de meu Perfil


Fwwwrando

RSS de Fwwwrando
Seguridade informática

Unha web permite saber se nos roubaron a clave do correo

Serversniff incorporou unha aplicación que determina se un determinado enderezo forma parte das listaxes de contrasinais filtradas na rede.

Redacción - 11:41 14/10/2009

Nos últimos días filtráronse na internet miles de enderezos de correo electrónico cos seus respectivos contrasinais. Púidose saber que eses datos foron obtidos a través de software malicioso instalado nos computadores das persoas afectadas. Agora, a web Serversniff.net permítenos saber se a nosa conta foi afectada, para que tomemos a medida básica de cambiar a clave de acceso.

Segundo informa Vilaweb, unha das aplicacións incluídas no portal, destinado a ofrecer utilidades relacionadas coa seguridade informática, ofrécenos a posibilidade de detectar se un enderezo se viu comprometido. Para iso, abonda con introducir o nome de usuario (o que vai antes da @), sen ningunha outra información e premer "check". Aparecerá unha mensaxe que nos dirá se hai algunha conta con ese nome que se vira afectada.


5/5 (4 votos)

Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: