Edición xeral
Galiza Nova busca unha cada vez máis difícil candidatura unitaria
A plataforma 'Proposta Militante', nucleada arredor de Isca, e 'Entre tod@s, Galiza Nova', impulsada por 'Máis BNG', ultiman as súas listas.
Semella unha tarefa máis que difícil pero aínda non están pechadas todas as portas. As principais formacións e correntes de Galiza Nova (UMG, 'Máis BNG' e Isca) proseguen cos contactos para intentar levar unha candidatura unitaria á Asemblea Nacional dos vindeiros días 24 e 25 deste mes. Porén, tal e como adiantara Vieiros hai tres semanas, o máis probábel é que finalmente sexan tres as listas á Dirección Nacional.
O primeiro paso dérono a finais do mes pasado os sectores de Galiza Nova máis próximos á corrente 'Máis BNG'. Logo de ter acusado á organización xuvenil do Bloque de terse pechado en si mesma nos últimos anos, esta corrente anunciou a creación dunha plataforma de cara á asemblea (Entre tod@s, Galiza Nova). Segundo fontes consultadas por Vieiros, Iñigo Ansotegui perfílase como posíbel número un desta candidatura.
Tamén esta semana deu un paso adiante Isca. A formación soberanista integrada en Galiza Nova anunciou a creación dunha plataforma, na que tamén participan independentes, denominada 'Proposta Militante'. No seu decálogo piden máis pluralidade interna e máis acento na mensaxe nacionalista e de esquerdas. Dende esta plataforma dan por feito que non vai haber posibilidade de acordo antes da asemblea. Porén, non desvelan o nome da cabeza de lista, aínda que hai quen apunta a posibilidade de que sexa Noa Presas.
De non haber candidatura única, será a UMG a que terá que mover ficha para crear a súa propia plataforma con independentes. As mocidades da UPG, debido ao seu peso histórico, seguen a ter a chave de Galiza Nova. De feito, é xa tradición que a secretario xeral pertenza a este partido. A última, Iria Aboi, non quere falar de candidaturas e limítase a dicir que hai unha data marcada: o vindeiro sábado 17 de outubro. Ese día reúnese a Dirección Nacional e aí saberase se vai haber un acordo para unha candidatura unitaria.
Comentarios (10)
Adiante con Galiza! adiante coa independencia!
tanto adiante xunto e imos pra'trás!
Pero a UMG existe? De tanto escoitar falar dese nome polo baixo eu pensaba que era como o El que aparecía con maiúscula nas novelas de antes, que o mentaban moito pero nunca facía nada de fío. Aínda ben que sal á luz un menxevique valente como o do primeiro comentario. A ver se Galiza Nova toma exemplo e deixa a rúa escura pola que leva anos transitando para ir á paralela pola que camiña a xente que acode aos mesmos bares e merca os zapatos na mesma tenda que os mozos e as mozas do BNG.
rapaciños xogando á política
adiante com a UMG?? para q?? para 2 anos máis de trabalho 0?? uo para seguir manexando e manipulando a organizaçom o vosso antolho??
Adiante com a Proposta Militante!
bah, Adiante con Adiante, e punto ;)
Iria lezón unha, como se mangonea un congreso, lezón dúas, como se castiga ó crítico, lezón tres, como se desfaí unha dil, lezón catro.....e así até a derradeira lezón..como se sube e se baixa dun coche oficial sen despeinarse..noraboa vas polo bo camiño
Novo comentario
Se xa tes o teu nome en Vieiros, podes acceder dende aquí:
-
A CIG destapa a existencia de tratos de favor a empresas vinculadas ao PPdeG
Edición xeral
-
Luz verde á Lei Ómnibus co 'Non' do BNG, que pedía blindar as condicións laborais e garantir deberes lingüísticos
Edición xeral
-
"Que impere a razón", reclámalle Vázquez a Zapatero ao fío das caixas
Edición xeral
Máis Alá, Fwwwrando, Galego.org, GZ-Deportiva, Canal Verde, Lusofonía, Irimia, Cartafol, Murguía
RSS
| Que é Vieiros?
| Que é o RSS?
| Creative Commons
| Publicidade
| Director
| O equipo
| Contacto