Vieiros

Vieiros de meu Perfil


Edición xeral

RSS de Edición xeral
Enquisa de Poboación Activa (EPA)

De cada 100 galegos, 12 están desempregados

O terceiro trimestre do ano deixou en Galiza un total de 162.200 parados. Mentres, no Estado Español a taxa de paro sitúase no 17,9%.

Redacción - 09:45 23/10/2009
A taxa de desemprego en Galiza sitúase no 12,35%

A taxa de desemprego en Galiza sitúase no 12,35%

En Galiza, 8.200 persoas abandonaron as listas do paro no terceiro trimestre do ano. Deste xeito, o número de desempregados ao remate de setembro sitúase nas 162.200 persoas, é dicir, o 12,35% da poboación activa galega non ten traballo. Son os datos da Enquisa de Poboación Activa (EPA) difundidos polo INE este venres.

En consecuencia, a ocupación medrou en Galiza tamén neste trimestre un 0,33%. O número de ocupados subiu en 3.700 persoas e situouse en 1.151.100 empregados.

Tamén baixa no Estado Español
Contra todo prognóstico, o desemprego tamén baixou a nivel estatal: fíxoo nun 0,3%. O desemprego baixou en 14.100 persoas neste terceiro trimestre, co que o número total de parados reduciuse a 4.123.300 persoas e a taxa de paro mantívose practicamente invariábel, no 17,93%.

Este dato, unha vez máis, ten varias lecturas. Dunha banda, é positivo se se ten en conta que no segundo trimestre o paro subira en máis de 1236 mil persoas, polo que demostra unha tendencia á baixa ou, cando menos, ao estancamento. Doutra banda, hai que incidir en que a taxa de desemprego pasa do 17,92% no segundo trimestre ao 17,93% no terceiro, o que demostra que a porcentaxe baixou porque tamén o fixo a poboación activa. Ademais, é a taxa máis alta da serie histórica comparábel, que arrinca en 2001.

Podes ler aquí a información en Vieiros sobre as Enquisas de Poboación Activa dos anteriores trimestres:


Ligazóns

1.33/5 (3 votos)

Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: