Vieiros

Vieiros de meu Perfil


Edición xeral

RSS de Edición xeral
Denuncia do Movemento polos Dereitos Civís

"A min fáleme en español", contestan desde Fenosa nunha reclamación telefónica

Logo dun ano de insistencia, a compañía eléctrica achega a gravación onde a empresa rexeita a comprobación dunha avaría.

Redacción - 11:55 01/12/2009
Tags: Fenosa MpDC

O Movemento polos Dereitos Civís (MpDC) acaba de facer pública a galería de despropósitos acontecida ao fío dunha chamada dun usuario da compañía eléctrica Fenosa a un teléfono de atención ao cliente.

Así sucedeu na reclamación dunha persoa acerca dunha avaría que deixara sen subministro eléctrico a un conxunto de medio cento de familias. Inicialmente, e alegando que se trataba dun corte programado, a compañía negou a comprobación da avaría. A lea derivada da deficiente atención ao usuario rematou co cliente solicitando copia da gravación telefónica para realizar unha reclamación contra a empresa. Nun momento posterior, escoitamos como lle esixen ao cliente que fale en castelán se quere continuar a conversa.

O Movemento polos Dereitos Civís difunde as gravacións logo dun ano de reclamalas a través da Axencia Española de Protección de Datos e das reiteradas negativas da empresa a facilitar a información. O colectivo critica "a desidia coa que actuou Fenosa tendo en conta que, como é sabido, a lei é moi clara no que ten que ver co dereito de acceso destas conversas". Ademais, o MpDC lamenta tamén "a desprotección do cliente e quéixase tamén das voltas que este ten que dar, arroupado por colectivos e institucións para ver recoñecidos os seus dereitos".






4.87/5 (23 votos)


Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: