Vieiros

Vieiros de meu Perfil


Canal Verde

Xestionado pola Federación Ecoloxista Galega e Vieiros
RSS de Canal Verde
"Graves prexuízos"

O BNG denuncia o atraso nas axudas ás asociacións de carácter ambiental

A deputada nacionalista Isabel Sánchez Montenegro recordou que o prazo para resolver a convocatoria "rematou hai catro meses".

Redacción - 10:15 20/12/2009
A formación salientou "o inxente traballo" destas asociacións

A formación salientou "o inxente traballo" destas asociacións

A deputada do Grupo Parlamentario do BNG Isabel Sánchez Montenegro denunciou este sábado o atraso na concesión de axudas a entidades sen ánimo de lucro para a súa participación en materia ambiental, xa que segundo lamentou, o prazo para resolver a convocatoria "rematou hai catro meses".

Sánchez Montenegro rexistrou unha iniciativa parlamentaria onde remarcou que a publicación da orde que regulamenta as axudas foi publicada "hai xa nove meses", en marzo de 2009. Con esta medida buscábase potenciar unha actividade "estábel e participativa" das entidades ambientais.

A deputada nacionalista subliñou os "graves prexuízos" que se están a causar ás entidades solicitantes, das que destacou "o inxente traballo" que ao seu xuízo realizan en materia de educación ambiental e sensibilizacion.

O BNG sinalou que a convocatoria estabelece que todas as entidades sen ánimo de lucro inscritas no rexistro administrativo creado polo decreto 226/2007 podían acollerse a axudas para gastos de funcionamento ordinario, actividades e desenvolvemento. Para iso, marcábase un prazo de cinco meses desde a publicación da convocatoria para a súa resolución.


4.5/5 (4 votos)


Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: