Vieiros

Vieiros de meu Perfil


Galego.org

Xestionado por Vieiros
RSS de Galego.org
Manifestación en Compostela

Guillerme Vázquez avisa o presidente de que "canto máis tarde en retirar" o decreto, "máis contestación" social recibirá

Convídao a "volver ao consenso, ao Plan de Normalización Lingüística". "Iso é o que ten que facer, máis nada, non demorar unha solución que lle pide a sociedade galega", proclamou.

Redacción - 14:24 21/01/2010

O portavoz nacional do BNG, Guillerme Vázquez, advertiu este xoves o presidente da Xunta, Alberto Núñez Feijoo, de que "canto máis tarde en retirar" o coñecido como decreto do plurilingüismo, "máis contestación" recibirá por parte da sociedade galega, que lle "demanda que dea marcha atrás".

En declaracións aos medios antes de comezar a manifestación contra as bases do decreto -que secundaron practicamente todos os membros da Executiva Nacional e deputados do BNG, ademais doutros dirixentes da formación frontista-, Vázquez destacou que a deste xoves constitúe unha "mobilización no ensino nunca visto na historia deste país" e asegurou que "volve pór de manifesto" que o decreto do PPdeG "ten que ser retirado xa".

"Dixémoslle a Feijoo que canto máis tarde en retirar a política lingüística, máis contestación social" recibirá, sinalou o líder nacionalista, que se preguntou "a que ten que esperar para se dar de conta de que o é absolutamente rexeitado".

Vázquez convidouno a "volver ao consenso, ao Plan de Normalización Lingüística" -aprobado en 2004 pola unanimidade do Parlamento na última lexislatura do ex presidente Manuel Fraga. "Iso é o que ten que facer, máis nada, non demorar unha solución que lle pide a sociedade galega", proclamou.


5/5 (6 votos)


Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: