Vieiros

Vieiros de meu Perfil


Galego.org

Xestionado por Vieiros
RSS de Galego.org
COMARCA DE VIANA

O PPdeG vota en Vilariño de Conso en contra do decreto

Apróbase por unanimidade unha moción presentada polo BNG e que contou co apoio de socialistas e 'populares'.

Redacción - 17:45 01/02/2010
Vilariño de Conso sitúase na Comarca de Viana

Vilariño de Conso sitúase na Comarca de Viana

O concello de Vilariño de Conso (Comarca de Viana) converteuse este luns no primeiro de toda Galiza en manifestarse en contra do decreto do galego no ensino, proposto pola Consellaría de Educación. Este municipio, con alcalde do PPdeG, aprobou por unanimidade unha moción impulsada polo BNG na que se demanda a retirada do texto e que considera “unha agresión á dignidade da nosa cultura que haxa un Goberno que maltrate e desprece a lingua propia do noso País”.

A moción aprobada insta á Xunta a que cumpra coas súas obrigas estatutarias en normalización da lingua propia de Galiza e pídeselle ao Executivo que “retome o consenso político e social que quedou consagrado na Lei de Normalización Lingüística e no Decreto 124/2007”. A iniciativa, que contou co respaldo de PPdeG, PSdeG e BNG, será debatida tamén noutros concellos.


4.95/5 (21 votos)


Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: