Vieiros

Vieiros de meu Perfil


Edición xeral

RSS de Edición xeral
Incluída no programa municipal

Igualdade censura a publicidade de clubes de prostitución no entroido de Xinzo

A Xunta valora as desculpas do Concello mais reprocha que se tratase de "normal" o que "é unha manifestación da violencia que se segue a exercer sobre as mulleres".

Redacción - 19:05 17/02/2010
Xinzo de Limia / Imaxe: Galipedia

Xinzo de Limia / Imaxe: Galipedia

A inclusión no programa do entroido de Xinzo de Limia, a través dunha asociación cultural que colabora co Concello, de publicidade de dous clubes presuntamente adicados á prostitución acendeu indignación e conflito no municipio. Logo da denuncia pública que sobre este feito realizou o PSdeG, o alcalde, Isaac Vila (PPdeG), pediu "desculpas" polo que considerou un erro. Mais o concelleiro directamente implicado, responsábel de Cultura e Festexos, Daniel Blanco, cualificou de excesiva a transcendencia outorgada polos socialistas a este caso e quitoulle importancia ao acontecido.

Ao fío, o Ministerio de Igualdade, a través do Instituto da Muller, organismo que ten á fronte á ourensá Laura Seara, anunciou o pasado martes a apertura dun expediente informativo e solicitou a retirada do programa. Agora vén de pronunciarse tamén a Xunta, a través da secretaría xeral de Igualdade, cualificando de "deplorábel" a publicidade de dous clubs "onde se exerce a prostitución" como se fosen un estabelecemento máis de hostalería. "Este tipo de feitos, que favorecen unha imaxe normalizada da prostitución, son especialmente rexeitábeis", censurou a secretaria xeral, Marta González.


2/5 (4 votos)


Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: