Vieiros

Vieiros de meu Perfil


Fwwwrando

RSS de Fwwwrando
Nos ESTADOS UNIDOS

Denuncian que un colexio espía o alumnado a través das cámaras dos portátiles

Un instituto de Filadelfia abriulle un expediente a un alumno baseándose nunha fotografía tomada dende o seu computador, supostamente activada sen o seu consentimento.

Redacción - 12:15 21/02/2010

Un instituto estadounidense podería estar a espiar o seu estudantado a través das cámaras web dos seus computadores portátiles. Os feitos descubríronse a raíz dun expediente disciplinario que se lle abriu a un alumno por "conduta impropia no seu fogar", xustificado cunha fotografía tomada dende a cámara web do rapaz.

A escola, situada nun barrio da cidade de Filadelfia, empregaba os portátiles fornecidos aos alumnos para espialos sen o seu coñecemento, mesmo fóra do horario lectivo. Os pais do alumno, Blake J. Robbins, demandaron o distrito educativo de Lower Merion por entremeterse na intimidade do menor.

Supostamente, a vicedirectora do centro, Lindy Matsko, confirmoulle ao pai do estudante que a escola ten a capacidade de activar a distancia a cámara "en calquera momento para ver e capturar as imaxes que se atopen diante da webcam". A demanda contra o colexio acúsao de varios delitos, como interceptación de comunicacións electrónicas, roubo da propiedade intelectual e violación dos dereitos civís, entre outros.


3,67/5 (3 votos)


Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: