Vieiros

Vieiros de meu Perfil


Edición xeral

RSS de Edición xeral
NAS ÚLTIMAS HORAS

O forte temporal deixa múltiples incidencias en todo o país

Educación deixa en mans dos directores de centros a decisión de suspender a actividade escolar. Meteogalicia alerta de que a situación será moi complicada o sábado.

Redacción - 10:10 25/02/2010

Un temporal de vento e choiva complicou moito a circulación en numerosas comarcas do país, especialmente nas costeiras. Aínda que non houbo que lamentar incidencias de gravidade, os servizos de emerxencias tiveron traballo arreo para retirar tellas, contedores guindados polo vento e incluso árbores que caeron á rede de estrada e complicaron a circulación.

Aínda que se agarda nas vindeiras horas unha tregua meteorolóxica, a situación podería complicarse a partir da noite do venres. De feito, Meteogalicia alerta de que o sábado o país se verá afectado por fortes refachos e de vento (que poderían superar os 120 km/hora) e choivas moi intensas.

Pola súa parte, a Consellaría de Educación decidiu suspender este xoves e venres toda clase de actividades deportivas escolares ao aire libre. O departamento que dirixe Xesús Vázquez dubidou se suspender ou non as aulas. Porén, finalmente, a Xunta envioulle unha circular aos centros facultando aos directores a tomar esta decisión en casos extraordinarios.


5/5 (3 votos)


Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: