Vieiros

Vieiros de meu Perfil


Fwwwrando

RSS de Fwwwrando
Transparencia parlamentaria

Os deputados e senadores xa informan (algo) na web das súas actividades

Entra en vigor a norma que obriga a publicar as fichas de actos extraparlamentarios dos parlamentarios nas cortes españolas.

Redacción - 11:00 01/03/2010
Ficha do senador Manuel Fraga

Ficha do senador Manuel Fraga

Coa chegada do mes de marzo, as webs do Congreso dos Deputados e do Senado pasan a incluír, por lei, unha declaración de cada un dos parlamentarios que especifica os intereses e actividades que practican á marxe dese cargo e polas que perciben, ou non, ingresos.

Aínda que esa información se comezou a publicar en decembro, este luns rematou o prazo que tiñan os representantes públicos para actualizar eses datos. Até agora, o acceso a esas declaracións estaba moi restrinxido e en ningún caso era posíbel a través da web. A reforma do regulamento parlamentario, que tivo lugar en outubro, permitiu levantar o segredo sobre a actividade extraparlamentaria das súas señorías.

A ficha de cada deputada ou deputado e senadora ou senador vai acompañada dun documento en formato PDF que especifica que actividades están autorizados a realizar por parte da cámara e dende que data.

Malia todo, nesas declaracións non se especifican as cantidades percibidas e, polo xeral, aluden a asuntos moi xerais, como se o parlamentario ostenta algún outro cargo público, se dá conferencias ou colabora en programas de radio ou televisión sen percibir remuneración.


5/5 (2 votos)


Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: