Vieiros

Vieiros de meu Perfil


Edición xeral

RSS de Edición xeral
DATOS DA CRISE

O paro no Estado Español acadou o 19%, segundo o Eurostat

Só Letonia, cun 21,7% de desempregados supera a cifra. Pola contra, nos Países Baixos o paro é de só un 4%.

Redacción - 13:25 31/03/2010

A crise económica está a pasar factura en toda a Unión Europa. Porén, os datos de febreiro que deu a coñecer este mércores a oficina de Eurostat poñen de manifesto as profundas diferenzas no que respecta á taxa de desemprego. Mentres a media de desemprego na UE é dun 9,6%, no Estado Español a cifra acada o 19%, só superada por Letonia, cun 21,7.

No outro lado da balanza está Holanda e Austria onde só un 4 e un 5%, respectivamente das persoas que están en idade de traballar non atopan unha ocupación. Portugal supera lixeiramente a media europea e sitúa a súa taxa de desemprego nun 10,3%.

Segundo o Eurostat, o paro interanual no Estado Español aumentou en 2,3 puntos, xa que en febreiro de 2009 as estatísticas reflectían un 16,3% de taxa de desemprego. Hai que lembrar que en Galiza a taxa de paro actual achégase ao 13% e a Consellaría de Traballo estima que a finais de ano rondará o 15%.


3/5 (3 votos)


Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: