Vieiros

A idea dos realizadores da publicación, que neste número só ten dúas páxinas, é chegar a todos aqueles que desexen estar ao día do que acontece na nosa comunidade. Non é a primeira vez que pasan por diante de nós actos interesantes ao redor da cultura galega sen que chegue a tempo a información da súa existencia.

A maneira de estar ao día é formar parte do denominado Club de amigos de ERGaC de xeito que cada mes nos chegue A micro pechado á nosa casa. Co tempo, a intención dos creadores da idea é vencellar a todos os galegos e non galegos sexan ou non socios das entidades xa existentes, que queiran ter información ao día da actualidade galega en Cataluña.

Os primeiros puntos de distribución en Barcelona son: Universitat Pompeu Fabra (Xornalismo), Universitat de Barcelona, Galería de Sargadelos, Escola Oficial d´Idiomes, Centre Cívic Drassanes, Centre Cívic Pati Llimona, Centre Cívic Guinardó, Ateneu de Nou Barris, Centro Galego de Barcelona, Restaurante Compostela, Restaurante Rincón de Galicia, Bar Tio Canya, Restaurante Vía Fóra, Pub Clansman e pub El Nus. Ademáis podedes atopar A micro pechado nas festas galegas que xusto agora comezan ou pedilo ao enderezo:
ERGaC Apdo. Correos 501 – 08080 Barcelona.