Vieiros

Vieiros de meu Perfil


Edición xeral

RSS de Edición xeral
Acusado de crimes de lesa humanidade

A prisión o máximo responsábel da política económica da ditadura arxentina

O ex ministro José Alfredo Martínez de Hoz estaba acusado, entre outros, da desaparición dun cidadán galego.

Redacción - 09:00 05/05/2010

Na altura dos seus 85 anos José Alfredo Martínez de Hoz, de alcuño Joe, considerado o principal cerebro económico da última ditadura militar en Arxentina, durmiu preso a última noite. Durante a tarde deste martes o xuíz federal arxentino Nornerto Oyarbide ordenou o seu arresto.

O caso concreto que facilitou agora o seu ingreso en prisión é a investigación da súa presunta participación no secuestro e extorsión dun empresario do sector do algodón e do seu fillo. O suceso, acontecido en 1976 resolvérase ao cabo de cinco meses cando o empresario accedeu a asinar un contrato de exportación en beneficio do goberno.

A Martínez de Hoz tamén se lle relaciona coa morte do cidadán galego Xan Carlos Casariego de Bel, funcionario daquela na área de Facenda. A oposición de Casariego de Bel á privatización da Compañía Italo Argentina de Electricidad (CIAE), manéxase como un dos supostos motivos que levaron á ditadura a actuar contra el. A Federación de Entidades Galegas presentara un pedido de investigación ante a xustiza federal que non prosperou, pero agora o caso reabrirase tras ao paso dado pola Secretaría de Dereitos Humanos.


Para ampliar:


5/5 (1 votos)


Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: