Vieiros

Vieiros de meu Perfil


Edición xeral

RSS de Edición xeral
O ex presidente volve ao primeiro plano

Touriño critica que a Xunta 'ordene' o territorio desde as bases do "clientelismo"

O predecesor de Feijoo considera que hai unha volta ao pasado e censurou a cobertura legal de actuacións urbanísticas irregulares.

Redacción - 17:30 06/05/2010

A necesidade dun pacto sobre o territorio foi a reclamación fundamental deixada polo ex presidente da Xunta, Emilio Pérez Touriño, nunhas breves declaracións aos medios este xoves coincidindo coa súa asistencia á xornada inaugural do "Encontro de Consellos Consultivos de Comunidades no Camiño".

Falou Pérez Touriño dun pacto necesario sobre as bases de protección e ordenación "e non sobre as bases do clientelismo e o retorno ao pasado e a un urbanismo que non se pon ao servizo da cidadanía". Touriño censurou os cambaleos do actual executivo ao respecto dese acordo posíbel e denunciou que o PP, malia teoricamente convidar a ese pacto, promove a erosión da Axencia Galega de Protección Urbanística. Tamén criticou que a Xunta favoreza convenios que dan cobertura a actuacións irregulares, en referencia ao acontecido no municipio de Barreiros. "Malos sinais", laiouse Touriño, para quen este primeiro treito de Núñez Feijoo á fronte do executivo amosa un feixe de pasos que "non van na dirección positiva".


3.5/5 (8 votos)


Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: