Vieiros

Vieiros de meu Perfil


Edición xeral

RSS de Edición xeral
Parlamento Europeo

O BNG defenderá en Bruxelas a creación dun grupo lácteo galego

A coalición Verdes-ALE vai presentar unha iniciativa en que tamén propón outras medidas para fixar poboación no medio rural e mellorar as súas infraestruturas.

Redacción - 12:35 14/05/2010
O futuro do sector é unha incógnita

O futuro do sector é unha incógnita

O BNG defenderá no Parlamento Europeo, mediante unha iniciativa que van presentar a próxima semana a coalición Verdes-Alianza Libre Europea, a creación dun grupo lácteo galego, ademais doutras propostas para fixar poboación no medio rural e mellorar as súas infraestruturas.

Así o trasladou aos medios, no transcurso dunha conferencia de prensa, a representante dos nacionalistas en Bruxelas, Ana Miranda, que recordou que se trata dunha proposta pola que "sempre avogou" o BNG.

Miranda, que se converterá en europarlamentaria en 2012, apelou a outras experiencias europeas, como o caso de Baviera, onde existen grupos lácteos que reciben importantes axudas comunitarias ao estar considerados como exemplos de desenvolvemento rural e impulsar "marcas de calidade".

Leite ecolóxico
"Por que non podemos ter unha marca de leite de calidade?", preguntouse a nacionalista, que acto seguido fixo fincapé en que esta reivindicación se ten que expor "desde aquí" e en función da "calidade excepcional" do leite galego.

Tamén expuxo como posibilidade que o leite en orixe producido en Galiza se poida comercializar como leite ecolóxico, tal e como ocorre, apuntou, en estados como o belga que xa manexan "sete tipos" diferentes deste produto.


4.5/5 (8 votos)


Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: