Vieiros

Vieiros de meu Perfil


Edición xeral

RSS de Edición xeral
CONGRESO PPDEG

Derrota política de Louzán en Vilagarcía

Tomás Fole resultou reelixido como presidente local cun 57,3% dos votos fronte á candidatura avalada polo presidente provincial, a de Xabier Puertas.

Redacción - 12:00 13/06/2010
Tomás Fole sumou o 57,3% dos votos

Tomás Fole sumou o 57,3% dos votos

Por unha diferencia de 92 votos, Tomás Fole recuncou esta fin de semana na presidencia do comité local do PPdeG de Vilagarcia. Impúxose á candidatura encabezada por Xabier Puertas, presidente da Autoridade Portuaria desta cidade e avalado polo presidente provincial, Rafael Louzán. A candidatura de Puertas presentara máis avais que a de Fole, mais, unha vez eliminados os “duplicados ou nulos”, o actual presidente local contou con 412 apoios válidos, mentres que o equipo do seu opoñente reuniu 384.

Ausencia de Feijoo, Louzán recibido entre apupos
Nun acto no que non estivo presente Alberto Núñez Feijoo, Fole agradeceu a participación e o apoio: “Non terei tempo suficiente na vida”, dixo, “para agradecer o traballo de tanta xente”. Finalizado o encontro, chegaron ao recinto feiral Rafael Louzán e Alfonso Ruedo, acompañados pola conselleira de Mar, Rosa Quintana; o conselleiro de Medio Ambiente, Agustín Hernández; ou a deputada no Congreso, Ana Pastor, entre outros. Á súa chegada escoitáronse apupos, se ben tamén houbo aplausos. Louzán felicitou ao gañador, mais lembrou que “os congresos non valen de moito se despois non se gañan as eleccións”.


Ligazóns

4.33/5 (3 votos)


Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: