Vieiros

Vieiros de meu Perfil


Edición xeral

RSS de Edición xeral
Este domingo, na parroquia de Xesteda

A República Galega triunfou en Cerceda

Máis de cen persoas reuníronse na antiga estación de Queixas-Londoño "para festexar esta data e introducir no almanaque nacionalista un fito que celebrar".

Redacción - 11:55 28/06/2010
Organizadores (clique para ampliar)

Organizadores (clique para ampliar)

Este domingo, 79 anos despois da proclamación da República Galega en Compostela, máis de cen persoas reuníronse na antiga estación de Queixas-Londoño, na parroquia de Xesteda (Cerceda), "para festexar esta data e introducir no almanaque nacionalista un fito que celebrar", afirman desde a organización.

A xornada comezou cun pasarrúas que polas inmediacións da estación. De seguido, os integrantes das asociacións organizadoras (a AC Foucelhas, de Ordes; A Aldraba, de Trazo; A Revoltosa, de Montaos; A Revoltaina, da Laracha e a AC Lucerna, de Cerceda) pronunciaron un discurso lembrando os feitos daquel 27 de xuño e reflexionando sobre a posibilidade dunha nova República Galega.

A xornada tornouse máis festiva á hora do xantar, organizado polo SLG, que achegou produtos dos labregos da comarca de Ordes. Ás 17.00 horas comezou o aberto de billarda e unha hora despois proxectáronse os documentais de Rafael Cid, Carrilanos e o de Lois Pérez Leira, A República Galega, que se estreou en Cerceda.

E xa á noitiña houbo tempo para a música con Mini e Mero, Xosé Constenla, Leo i Arremecághona e Bouba Pandereteiras.


4.6/5 (30 votos)


Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: