Vieiros

A reflexión de Guadi Galego 'Unha aplicación para a música popular' abre o número 47 da Revista Galega de Educación. Un vizoso monográfico sobre música tradicional que inclúe por exemplo o artigo 'O quiquiriquí e Pelo Gato 24', de Paulo Nogueira e Magoia Bodega, unha proposta para o ensino secundario elaborada por Fernando Abreu, a achega 'Xogos para cantar, bailes para xogar, cantos para bailar', de Xosé Luís Prego, ou o artigo 'Os instrumentos, a aprendizaxe tradicional: unha proposta de integración', obra de Pablo Carpintero. Ademais, Carlos Núñez é protagonista no apartado de entrevista.

Por outro lado, a publicación editada por Nova Escola Galega tamén se ocupa da actualidade ao respecto do posíbel pacto educativo e obxecto de análise por parte de Víctor Manuel Santidrián. Tamén as novas tecnoloxías ocupan o seu espazo e no apartado adicado á escola rural proponse o artigo 'Rebulir: unha experiencia en Ramirás', de Alexandre Sotelino. En ano Xacobeo, a revista docente inclúe tamén o artigo 'O Camiño de Santiago nunha clase de francés', de Miguel Cumbraos.