Vieiros

Vieiros de meu Perfil


Edición xeral

RSS de Edición xeral
A MENOS DUN ANO DAS ELECCIÓNS

Antón Tenreiro abandona o BNG

O ex-portavoz en Oleiros anuncia o seu “paso á reserva política” nunha carta aberta non exenta de crítica ao “camiño equivocado” que tomou o Bloque.

Redacción - 11:03 20/07/2010

Antón Tenreiro, ex-concelleiro e portavoz do BNG en Oleiros, anunciou a súa baixa na fronte nacionalista despois de 33 anos de militancia ininterrompida. Durante todo este tempo, Tenreiro foi militante da UPG, despois quintanista e logo membro de +BNG (agora +Galiza), organización coa que tamén amosou as súas discrepancias nos últimos meses. Agora fixo pública no seu blog a súa renuncia cunha carta aberta que titula 'Paso á reserva política'.

O que tamén fora asesor do Consorcio Galego na anterior lexislatura subliña que agora se centrará “en labores profesionais nas empresas que estou emprendendo e a integrar esa inmensa masa de nacionalistas sen afiliación política que está a traballar por Galiza desde numerosos ámbitos da vida social”.

Nun parágrafo máis crítico apunta que “mentiría se ocultase que esta decisión non ten unha causa de carácter político”, e agrega que “dende o máis profundo respecto ás decisións maioritarias da militancia, entendo que o BNG, dende a saída do Goberno da Xunta ten tomado, ao meu ver, xusto o camiño contrario do que debera”. E aínda máis: “un camiño equivocado, unha volta atrás que non comparto”. Así e todo, matiza: “penso que o BNG segue sendo o único instrumento político que ten este país para se defender e, polo tanto, nese contexto seguirá a ter o meu apoio”.


Ligazóns

3,95/5 (21 votos)


Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: