Vieiros

Vieiros de meu Perfil


Reunión ecoloxista en Santiago

enviar noticia abrir debate como vai isto
Edición xestionada por ti
RSS de Reunión ecoloxista en Santiago

Reunión ecoloxista en Santiago

"Galiza non se vende" reunirá en Compostela á meirande parte das sociacións ecoloxistas de Galiza. Será o sábado 20 de outubro ás 12 h. na Galería Sargadelos

Enviada por Kropotkin Kropotkin o 18/10/2007 08:53

O pasado 6 de maio tivo lugar en Compostela unha manifestación organizada pola práctica totalidade das organizacións ecoloxistas galegas. O motivo que impulsou esta convocatoria unitaria foi a degradación do territorio por mor do urbanismo desmedido, a contaminación das rías e do litoral, a depredación causada polas minas a ceo aberto, a invasión polas piscifactorias dos espazos protexidos, as plantas de gas e as celulosas contaminantes, etc. Aquel acto apoiado por milleiros de persoas e por representantes do mundo da cultura, non tivo o eco desexado no interior de goberno. A realidade amosou que os fortes intereses económicos inherentes ás empresas prevalecen sobre a defensa medio ambiental do territorio. Proxectos como os de Reganosa, o Plan Acuícola ou as minas do Courel, por poñer algún exemplo, seguen adiante a pesar de conculcar a legalidade vixente. O movemento que o 6 de maio se aglutinou arredor do lema “Galiza non se vende” segue vivo e non renuncia a conseguir un cambio de rumbo na andaina depredadora de certas empresas. O desenvolvemento industrial e económico non é tal se non vai acompañado dunha protección eficaz das nosas rías, da terra e do aire que respiramos. Por estas razóns, a Rede Litoral Vivo, na que se integran máis de vinte asociacións ecoloxistas, chama a unha xuntanza que se celebrará o vindeiro sábado día 20 ás 12 h. na Galería Sargadelos de Compostela. Pregamos a asistencia de todos os colectivos cidadáns, organizacións ecoloxistas, representantes da cultura e calesquera cidadáns que sintan a necesidade ineludíbel de opoñerse á perda do privilexiado hábitat galego, o que mellor define a nosa identidade.


4.5/5 (10 votos)


Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: