Vieiros

Nas últimas semanas varios mariñeiros aseguran ter avistado polo menos un exemplar de raposo nas Illas Lobeiras, territorialmente pertencentes ao concello de Corcubión mais situadas a poucos quilómetros da costa de Carnota. Se ben ao principio se especulara conque o especime chegara a nado, os veciños cada vez teñen máis claro que un individuo capturou no monte e trasladou ao animal (ou animais) ata a illa coa suposta intención de mermar a poboación de gaivotas. A imaxe torna máis dantesca se cabe coñecendo a existencia neste lugar de varias poboacións de aves protexidas como cormoráns e alcatraces e sabendo da voracidade do raposo en situacións extremas.