Vieiros

Vieiros de meu Perfil


Edición xeral

RSS de Edición xeral
MORREU NA CORUÑA

Adeus ao poeta Manuel María

"Un poema é un ser vivo que anda, respira, soña, chora, salouca, ama, berra, cintila e escurece, (...) E nunca morre". Foi a de Manuel María unha vida enteira de poemas dende a publicación daquel histórico 'Muiñeiro de Brétemas' no ano 1950. Moitos anos despois e malia ter dito que quería deixar a poesía con dignidade e que por iso non tiña pensado publicar máis versos, saía do prelo para satisfacción dos lectores e por insistencia dos amigos 'Brétemas do Muiñeiro', poemario que o autor rematara había anos. A súa voz non parou de escoitarse os últimos anos en toda Galiza, coa presentación da súa 'Obra Poética Completa', publicada por Espiral Maior, e coa participación en actos da Plataforma Nunca Máis e Contra a Burla Negra, onde puidemos ouvir do seu Escarño contra os destragadores do mundo a conta da marea negra do Prestige. Centos de persoas xa se achegaron desde esta mañá ata o Panteón de Galegos Ilustres de Bonaval, en Compostela, para renderlle homenaxe ao poeta. O enterro será na tarde de mañá venres no cemiterio de Outeiro de Rei. A Asociación Socio-Pedagóxica Galega habilitou este correo para enviar mensaxes de condolencia pola morte de Manuel María.

  • Convocan actos de homenaxe a Manuel María
  • Manuel María, a conciencia da terra, reaccións á morte do poeta
  • Colectivos e institucións lamentan o falecemento do poeta
  • Testemuña da tribo, entrevista de Francisco Fernández Naval
  • Chairego universal, María Teresa Araúxo comenta dous libros sobre a vida e a obra de Manuel María
  • Manuel María está en pé e dille versos á friaxe, un artigo de Xabier Cordal
  • Manuel María, Espriu e Raimon, un artigo de Helena González
  • Podes ler a súa poesía e escoitar a súa voz na Biblioteca Virtual Galega

  • - 11:51 10/09/2004
    Tags:


    5/5 (1 votos)