Vieiros

A maioría das delegacións que interveñen na xuntanza do Fondo Internacional de Indemnizacións por danos debidos á Contaminación por Hidrocarburos, FIDAC, apoian a proposta do director deste organismo de emprender accións xudiciais contra a sociedade de clasificación do Prestige, a American Bureau of Shipping, ABS. Non obstante, segundo informa a Oficina do Comisionado do Goberno para o Prestige, a maior parte das delegacións advertiu que convén esperar ás conclusións das investigacións dos xulgados de Corcubión, de Brest e os resultados da Comisión Permanente do Ministerio de Fomento para comezar o prodecemento legal.