Vieiros

Vieiros de meu Perfil


Edición xeral

RSS de Edición xeral
CRISE NO PPdeG E NO GOBERNO DA XUNTA

A demisión do Palmou pode provocar unha gran crise na Xunta

A decisión de afastar a Palmou da secretaria xeral do PPdeG podería provocar un efecto dominó de imprevisíbeis consecuencias no Partido Popular e na Xunta. Ao inminente anuncio da demisión do propio Xesús Palmou como conselleiro de Xustiza e a de López Veiga como conselleiro de Pesca, podería sucederlle, segundo fontes do PPdeG, á do vicepresidente primeiro Alberto Núñez Feijoo e a da conselleira de Familia, Pilar Rojo, os principais representantes do sector favorábel á Rajoy. O vicepresidente e conselleiro de Política Territorial ten previsto reunirse esta tarde con Fraga. Estas mesmas fontes non rexeitan que o obxectivo do sector de Rajoy sexa forzar a Fraga a retirar a súa candidatura á presidencia da Xunta nas próximas eleccións. Con todo, ao PPdeG saíulle hoxe un valedor: o alcalde da Coruña, Francisco Vázquez, quen declarou que desexa que o PP "arranxe todos os seus problemas", porque "ten suficientes dirixentes serios e responsábeis para dirimir estas cuestións".

  • Anteriores: Aviso de Rajoy a Fraga para que non ceda máis fronte aos rebeldes

  • - 16:24 02/11/2004
    Tags:


    0/5 (0 votos)